අයිස් මත්ද්‍රව්‍ය කිලෝ 10.4 ප්‍රවාහනය කරමින් සිටි පුද්ගලයන් දෙදෙනෙක් මන්නාරමේ දී යුද හමුදා නිලධාරීන් විසින් අත්අඩංගුවට ගෙන තිබේ.
අද (31) උදෑසන 06.15 පමණ මන්නාරම යුද හමුදා මාර්ග බාධකය හරහා තලෙයිමන්නාරම සිට වන්කලෙයි දක්වා මහේන්ද්‍ර කැබ් රථයකින් මෙලෙස අයිස් මත්ද්‍රව්‍ය ප්‍රවාහනය කරමින් සිටියදී අදාළ පුද්ගලයින් දෙදෙනාව අත්අඩංගුවට ගෙන ඇත.
ඔවුන් දෙදෙනා වයස අවුරුදු 32 සහ 36 හැවිරිදි පුද්ගලයන්වේ.
54 වන පාබල සේනාංකයේ යුද හමුදා බුද්ධි අංශ සාමාජිකයින් සහ 11 වන කාලතුවක්කු හමුදා සෙබළුන් විසින් මෙම අත්අඩංගුවට ගැනීම සිදු කළේය.
එම මත්ද්‍රව්‍ය, කැබ් රථය සහ සැකකරුවන් මන්නාරම පොලිසිය වෙත වැඩිදුර විමර්ශන කටයුතු සඳහා බාර දී ඇත.
