දඹුල්ල පොලිස් විශේෂ කාර්ය බළකාය විසින් ඉකුත් දා ලෙනදොර පෙදෙසේ සිදු කළ වැටලීමක දී සිය වගාබිමේ ගංජා වගාකර වේළීමට සූදානම් කරමින් සිටි පුද්ගලයෙකු සමඟ ගංජා කිලෝ ග්‍රෑම් 2යි, ග්‍රෑම් 650ක ප්‍රමාණයක් අත්අඩංගුවට ගැනීමට හැකිවී ඇත. මෙම සැකකරු විශ්‍රාමික ආබාධිත හමුදා සෙබළෙකු වන අතර ඔහුගේ වගාබිමේ මෙම ගංජා තොගය තිබියදී මෙසේ අත්අඩංගුවට ගැනීමට හැකිවූ බව පොලිසිය පවසයි.
මෙම ගංජා අලෙවිය සඳහා මොහු වගා කිරීමට ඇතැයි සැකකරන පොලිසිය මේ වන විට මේ සම්බන්ධයෙන් වැඩිදුර පරීක්ෂණ පවත්වාගෙන යනු ලැබේ. තවද මෙම සෙබළා විශ්‍රාම වැටුපක් ලබන්නෙකු බවද මෙහිදී අනාවරණය විය.
