රට තුළ ඇති වෙන ස්වභාවික විපත් හෝ භාහිර රටවල ඇති වෙන කම්පනකාරි තත්ත්වයක් තුළ හෝ ඒවාට මුහුණදීමට තරම් ප්රමාණවත් මූල්යමය හැකියාවක් ලංකාව සතු නොවන බව හිටපු අමාත්ය බන්දුල ගුණවර්ධන මහතා පවසයි.
හෝමාගම ප්රදේශයේ දී මාධ්ය වෙත අදහස් දක්වමින් ඒ මහතා පවසා සිටියේ, කුමන ආණ්ඩුවක් බලයට පත්වුවද රට පවත්වා ගැනීමට අවශ්ය රුපියල් සහ පිටරට ගනුදෙනු සිදුකිරීමට අවශ්ය ඩොලර් අප සතුව නොමැති බවය.
එමෙන්ම ආණ්ඩුවේ මෙම වසරේ ආදායම රුපියල් ට්රිලියන 5.3ක් වන බවත් ආණ්ඩුවේ පුනරාවර්ථන වියදම 5.6ක් වන බවත් හිටපු අමාත්ය බන්දුල ගුණවර්ධන මහතා පවසයි.
ඒ අනුව ආණ්ඩුව පවත්වා ගෙනයාම සඳහා බිලියන 300ත් 400ත් අතර මුදලක් හිඟ වන බව ද ඒ මහතා සඳහන් කර සිටී.
රට තුළ නායයෑම්, සුළි කුණාටු වැනි අභ්යත්තර කම්පනයක් ඇති වුණත් රටින් පිට වෙනත් රටවල ඇතිවන යුද්ධ වැනි භාහිර කම්පනයක් ඇති වුණත් එවැනි කම්පනයන්ට මුහුණදීමට අවශ්ය ශක්තිමත් ආර්ථික මූල්ය තත්ත්වයක් අපේ රට තුළ නොමැති බව ද ඒ මහතා කියා සිටියේය.
ඒ අනුව රට තුළ පවතින මූලික ප්රශ්නය වන්නේ රුපියල් සහ ඩොලර් නොමැති වීම බවද අමාත්ය බන්දුල ගුණවර්ධන මහතා පැවසුවේය.
