ජනාධිපති අනුර කුමාර දිසානායක මහතා සහ දේශීය ආදායම් දෙපාර්තමේන්තුවේ නිලධාරීන් අතර සාකච්ඡාවක් අද (27) පස්වරුවේ ජනාධිපති කාර්යාලයේදී පවත්වා තිබේ.
බදු ආදායම පුළුල් කිරීම, බදු අනුකූලතාව උපරිම කර ගැනීම සහ හිඟ බදු අය කර ගැනීම ඇතුළු දේශීය ආදායම් දෙපාර්තමේන්තුවේ විභවතාව ඉහළ නැංවීමේ වැඩපිළිවෙළත්, එම දෙපාර්තමේන්තුව 2026 වසරේ මේ දක්වා ළඟා කර ගෙන ඇති ප්රගතියත් මෙහිදී සමාලෝචනයට ලක් කෙරිණි.
මෙම අරමුණු ඉටු කර ගැනීමේදී ආයතනය තුළ සිදු විය යුතු ප්රතිව්යුහගතකරණ සහ ඩිජිටල්කරණ ක්රියාවලිය පිළිබඳව ද එහිදී දීර්ඝ ලෙස සාකච්ඡා වූ බව ජනාධිපති මාධ්ය අංශය සඳහන් කළේය.
ඒ අනුව ජාතික e-invoicing පද්ධතිය හඳුන්වා දීමේ වැඩසටහනේ ප්රගතිය සහ ඊට අදාළ නීතිමය ප්රතිපාදන පිළිබඳවද විමසා බැලුණු අතර එම සමස්ත ව්යාපෘතිය නිශ්චිත කාලරාමුව තුළ සම්පූර්ණ කරන ලෙස ජනාධිපති අනුර කුමාර දිසානායක මහතා විසින් නිලධාරීන්ට උපදෙස් ලබා දෙන ලදී.
