ශ්රී ලංකාව සහ සංචාරක ඉන්දීය කණ්ඩායම අතර තරග 2කින් යුත් ටෙස්ට් ක්රිකට් තරගාවලියේ අද (15) පැවැත්වෙන පළමු තරගයේ කාසියේ වාසිය දිනාගැනීමට ඉන්දීය කණ්ඩායම සමත්විය.
ඒ අනුව ගාල්ල ජාත්යන්තර ක්රිකට් ක්රීඩාංගණයේ පැවැත්වෙන මෙම තරගයේ ඔවුන් පළමුව පන්දුවට පහරදීමට තීරණය කළේය.
මෙම තරගයේදී ශ්රී ලංකාව වෙනුවෙන් ජාත්යන්තර ටෙස්ට් වරම් දිනා ගැනීමට දකුණත් දඟපන්දු යවන්නෙකු වන කේශර නුවත්ත සමත්විය.
ඔහු ශ්රී ලංකාව වෙනුවෙන් ටෙස්ටි වරම් හිමිකරගත් 171වැනි ක්රීඩකයා වේ.
ධනංජය ද සිල්වාගේ නායකත්වයෙන් ශ්රී ලංකා කණ්ඩායමේ උපනායකත්වය සඳහා කමිඳු මෙන්ඩිස් නම් කර තිබේ.
එමෙන්ම කුසල් මෙන්ඩිස් වෙනුවට කඩුලු රකින ක්රීඩක නිරෝෂන් දික්වැල්ල නැවතත් සංචිතයට කැඳවා ඇති අතර, ඔහු පසුගිය 2023 වසරේ මාර්තු මාසයේ දකුණු අප්රිකාවට එරෙහිව පැවැති තරගයෙන් පසුව ශ්රී ලංකා ටෙස්ට් කණ්ඩායම නියෝජනය කර නොතිබුණි.
