ජාතික ජන බලවේගයේ පාර්ලිමේන්තු මන්ත්රී සුගත් වසන්ත ද සිල්වා මහතා 2026 පොදුරාජ්ය මණ්ඩලීය ‘නවක පාර්ලිමේන්තු මන්ත්රී සම්මානය’ හිමිකරගෙන තිබේ.
ඒ, පාර්ලිමේන්තු ක්රියාවලියට දක්වන ලද විශිෂ්ට කැපවීම, අභ්යන්තරික රාජ්ය පාලනය, මානව හිමිකම් සුරැකීම සහ ප්රජාතන්ත්රවාදී සහභාගීත්වය වෙනුවෙන් සිදුකළ අනුපමේය සේවය ඇගයීමට ලක් කරමිනි.
පොදුරාජ්ය මණ්ඩලීය පාර්ලිමේන්තු සංගමය මගින් සංවිධානය කරනු ලබන “වසරේ පොදුරාජ්ය මණ්ඩලීය පාර්ලිමේන්තු මන්ත්රී” ඇගයීම් යටතේ මෙය පැවැත්වේ.
මෙම සම්මානය සඳහා ෙසුගත් වසන්ත ද සිල්වා මහතාව නාමයෝජනා කරන ලද්දේ මැතිවරණ පද්ධති සඳහා වන ජාත්යන්තර පදනමේ ශ්රී ලංකා ශාඛාව විසින් 2026 ජූලි 08 වන දින ලන්ඩන් නුවර පිහිටි CPA මූලස්ථාන ලේකම් කාර්යාලය වෙත මෙම නාම යෝජනාව ඉදිරිපත් කර තිබිණි.
මෙරට පාර්ලිමේන්තු ඉතිහාසයේ දෘෂ්යාබාධිතභාවයක් සහිත ප්රථම මන්ත්රීවරයා වන ඔහු, ආබාධ සහිත තැනැත්තන් සඳහා වන පාර්ලිමේන්තු අනුකාරක සභාවේ සභාපතිවරයා ලෙස පත්වෙමින් ආබාධ සහිත තැනැත්තන්ගේ අයිතිවාසිකම්, සංඥා භාෂා පිළිගැනීම, ප්රවේශ්යතා ප්රමිතීන් සහ ව්යවස්ථාපිත සංශෝධන උදෙසා කැපී පෙනෙන නායකත්වයක් ලබා දී ඇත.
විශේෂයෙන්ම, 2026 ජාතික අයවැය යටතේ ආබාධ සහිත තැනැත්තන් වෙනුවෙන් වෙන්වූ යෝජනා ක්රියාත්මක කිරීම පිළිබඳව අමාත්යාංශ 25කට ආසන්න සංඛ්යාවක් සමඟ සමාලෝචන පවත්වමින් රාජ්ය යාන්ත්රණයේ වගවීම තහවුරු කිරීමට ඒ මහතා කටයුතු කළේය.
