ඉන්දීය අග්‍රාමාත්‍ය නරේන්ද්‍ර මෝදි විසින් නවදිල්ලියේ නව පාර්ලිමේන්තු සංකීර්ණයේ වහලය මත තබා ඇති “අශෝක් චක්‍ර” ජාතික ලාංඡනය විවෘත කළේය.
මෙම අවස්ථාවට ඉන්දියාවේ ලොක් සභා කථානායක ඕම් බිර්ලා,ඉන්දීය රාජ්‍ය සභාවේ නියෝජ්‍ය සභාපති හරිවංශ්, ඉන්දීය පාර්ලිමේන්තු කටයුතු පිළිබඳ අමාත්‍ය ප්‍රහද් ජෝෂි සහ ඉන්දීය මධ්‍යම අමාත්‍ය හර්දීප් සිංපූරි ද සහභාගී වූහ.
ඉන්දියාවේ ජාතික සංකේතයේ සැලසුම පදනම් වී ඇත්තේ සාරානාත්හි අශෝක ස්තම්බ යයි. මෙහි ත්‍රිමාණ ලාංඡනයේ රවුම් ඇබකස් මත සිංහයන් හතර දෙනෙකු පිටුපසට තබා ඇත.ඊට යටින් ධර්ම චක්‍රයක් ඇත. අමතරව ගව සහ අශ්වයෙකුගේ කැටයම් ද කවා ඇත.
නව පාර්ලිමේන්තු ගොඩනැගිල්ලේ වහලය මත ජාතික ලාංඡනය සැකසීමේ සංකල්ප සටහන සහ සකස් කිරීමේ ක්‍රියාවලිය සඳහා වෙනම අදියර අටක් සකස් කර ඇත.
ලාංඡනය ලෝකඩ වලින් සාදා ඇත. එහි උස මීටර් 6.5 ක් වන අතර බර කිලෝග්‍රෑම් 9,500 ක් පමණ වේ. මෙම ලාංඡනය කිලෝ 6,500ක් පමණ බරින් යුතු ශක්තිමත් වානේ රාමුවක් ආධාරක ලෙස තබා ඇත.
මෙහිදී නව පාර්ලිමේන්තුවේ ඉදිකිරීම් කටයුතුවල නිරත ශ්‍රමිකයන් සමඟ ද අග්‍රාමාත්‍යවරයා අදහස් හුවමාරු කරගත්තේය.
එළඹෙන ඔක්තෝම්බර් වන විට මහල් හතරකින් යුත් නව පාර්ලිමේන්තු සංකීර්ණය විවෘත කිරීමට අපේක්ෂිතය. මෙම ව්‍යාපෘතිය ඉන්දීය රුපියල් කෝටි නවසිය හැත්තැ එකක ඇස්තමේන්තුගත වියදමින් පසුගිය ජනවාරි මාසයේ ආරම්භ කරන ලදී.
මීළඟ සීමා නිර්ණය කිරීමෙන් පසු ඉන්දීය පාර්ලිමේන්තු ආසන පුළුල් කිරීමට ඉඩ ඇති බැවින්, නව ගොඩනැගිල්ල ලෝක් සභා සභා ගර්භයේ මන්ත්‍රීවරුන් අටසිය අසු අටක් දක්වාත්, රාජ්‍ය සභාවේ තුන්සිය අසු හතර දෙනෙකුට සහ ඒකාබද්ධ සැසියක් සඳහා ආසන එක්දහස් දෙසිය හැත්තෑ දෙකක් දක්වාත් ආසන පැනවීමට අපේක්ෂා කෙරේ.
රජයේ මධ්‍යම විස්ටා ව්‍යාපෘතියේ කේන්ද්‍රස්ථානය වන ව්‍යුහය ඉදිකරනු ලබන්නේ ටාටා ව්‍යාපෘතිය විසිනි. ලාංඡනයේ ප්‍රතිමාව සමස්ත පාර්ලිමේන්තු ගොඩනැඟීමේ යෝජනාවේ ප්‍රධාන අංගයකි.
