දේශීය කිරි ආශ්‍රිත සෙසු නිෂ්පාදන වලට ඉදිරියේදී ප්‍රමුඛතාව ලබාදීමට තීරණය කර තිබෙනවා.
ඒ, ආනයන තහනමත් සමඟ වෙළඳපොලේ ඇතිවිය හැකි කිරි ආශ්‍රිත නිෂ්පාදන හිඟය වළක්වාගැනීමේ අරමුණින්.
ඒ අනුව දේශීය සමාගම්වලට රජය උපදෙස් ලබා දී ඇත්තේ දේශීය වශයෙන් කිරිපිටි සහ ඒ ආශ්‍රිත නිෂ්පාදනවලට ප්‍රමුඛතාවක් ලබාදෙන ලෙසයි.
මේ අතර ආනයනික තහනමත් සමඟ ඉදිකිරීම් ක්ෂේත්‍රයට ද දැඩි බලපෑම් එල්ලවීම හේතුවෙන් එහි සේවයේ නියුතු පිරිස් විදෙස්ගතවීමේ ප්‍රවණතාවක් උද්ගතව ඇතැයි ශ්‍රී ලංකා ජාතික ඉදිකිරිම් සංගමය පවසනවා.
ඒ සම්බන්ධයෙන් වැඩිදුරටත් පැහැදිළි කරන එම සංගමයේ සභාපති සුසන්ත ලියනාරච්චි සඳහන් කළේ ඉදිකිරීම් ක්‍ෂේත්‍රය රැකගැනීම සඳහා රජය විධිමත් ලෙස කටයුතු කළ යුතු බවයි.
2022-08-28
