වෙඩි බෙහෙත්, ජීව පතොරම් ඇතුළු ආයුධ රැසක් සමග පුද්ගලයින් දෙදෙනෙකු වැලිගම ප්‍රදේශයේදී අත්අඩංගුවට ගෙන තිබේ.
පොලීසිය සඳහන් කළේ, විශේෂ කාර්ය බළකායේ දෙණියාය කඳවුරේ නිලධාරීන්ට ලද තොරතුරක් මත සිදුකළ වැටලීමකදී සැකකරුවන් අත්අඩංගුවට ගෙන ඇති බවය.
එහිදී සැකකරුවන් සතුව තිබී ජීව උණ්ඩ 04ක්, වෙඩි බෙහෙත් ග්‍රෑම් 14ක පමණ ප්‍රමාණයක් සහ කඩු ඇතුළු ආයුධ රැසක් පොලිස් භාරයට ගෙන තිබේ.
සැකකරුවන් අවුරුදු 43 හා 50 යන වයස්වල පසුවන වැලිගම ප්‍රදේශයේ පදිංචිකරුවන් බව සඳහන්ය.
ඔවුන් අද (27) වැලිගම මහෙස්ත්‍රාත් අධිකරණයට ඉදිරිපත් කිරීමට නියමිත අතර වැලිගම පොලීසිය සිද්ධිය සම්බන්ධයෙන් විමර්ශන සිදුකරයි.
