කොකේන් මත්ද්රව්ය සමග මෙරටට පැමිණි කාන්තාවක් බණ්ඩාරනායක ජාත්යන්තර ගුවන්තොටුපොළේ මත්ද්රව්ය පාලන ඒකකයේ නිලධාරීන් කණ්ඩායමක් විසින් අත්අඩංගුවට ගෙන තිබේ.
අදාළ කාන්තාව ඝනාවේ සිට පැමිණ ඇති අතර ඇය දකුණු අප්රිකානු විදේශ ගමන් බලපත්රයක් අතැතිව අද (29) අලුයම 1.50ට පමණ කටාර් ගුවන් සේවයට අයත් ගුවන් යානයකින් මෙරටට පැමිණ තිබේ.
අත්අඩංගුවට ගෙන ඇත්තේ අවුරුදු 41ක් වූ කාන්තාවකි.
ඇය සතුව තිබී ග්රෑම් 4068ක් පමණ වන කොකේන් මත්ද්රව්ය තොගය අදාළ නිලධාරීන් භාරයට ගෙන තිබේ.
රේගු මාධ්ය ප්රකාශක නියෝජ්ය රේගු අධ්යක්ෂ ජනරාල් සීවලි අරුක්ගොඩ මහතා පැවසුවේ එහි වටිනාකම රුපියල් මිලියන 142ක් බවය.
