කාර්යක්ෂම ලෙස නඩු පැවරීම සඳහා ස්වාධීන අභිචෝදක කාර්යාලයක් පිහිටුවීමට අවධානය යොමු කළ බව අධිකරණ අමාත්‍ය හර්ෂණ නානායක්කාර මහතා පවසයි.ඒ සඳහා මූලික සාකච්ඡාවක් ඊයේ පැවති බවන් නීතිපති දෙපාර්තමේන්තුව, පොලිසිය, ශ්‍රී ලංකා නීතිඥ සංගමය සහ ශ්‍රේෂ්ඨාධිකරණ විනිසුරු යසන්ත කෝදාගොඩ විනිශ්චයකාරතුමන් ද සහභාගී වූ බව අමාත්‍යවරයා සදහන් කරයි. මේ සඳහා අමාත්‍ය මණ්ඩලයේ අනුමැතිය ලබා ගැනීමට අමාත්‍ය මණ්ඩල පත්‍රිකාවක් සකස් කිරීමට හා අභිචෝදක කාර්යාලය පිහිටුවීම සඳහා නිල වශයෙන් කමිටුවක් පත් කිරීමට කටයුතු කරන ලෙස අමාත්‍යාංශයේ ලේකම්තුමියටත් නීති අංශයටත් උපදෙස් ලබා දුන් බව ද අධිකරණ අමාත්‍යවරයා වැඩිදුරටත් සඳහන් කළේය.
2025-02-25
