අපරාධයකින් උත්පාදිත දේපළ පිළිබඳ විමර්ශනය කිරීම සඳහා ශ්රී ලංකා පොලිසීය අලුත් විමර්ශන අංශයක් ආරම්භ කරන බව කොළඹ බස්නාහිර පළාත් උතුර භාර නියෝජ්ය පොලිස්පති නිශාන්ත සොයිසා මහතා පවසයි.
පාර්ලිමෙන්තුවේ දී සම්මත වූ, අපරාධයකින් උත්පාදිත දේපළ පිළිබද පනතට අනුව මෙම විමර්ශන අංශය ආරම්භ කිරීමට නියමිත බව ඔහු පැවසුවේය.
ඔහු මේ බව සඳහන් කර සිටියේ අද (23) පැවති විශේෂ පොලිස් මාධ්ය හමුවට එක්වෙමිනි.
PCID හෙවත් අපරාධයකින් උත්පාදිත දේපළ පිළිබද විමර්ශන කොට්ට්ථාශය ලෙස මෙම අංශය නම් කර ඇත.
මාධ්ය වෙත අදහස් දක්වමින් නියෝජ්ය පොලිස්පතිවරයා වැඩිදුරටත් සඳහන් කළේ ආරම්භ කිටීමට නියමිත මෙම නව විමර්ශන අංශය පොලිස්පතිතුමාගේ ප්රධානත්වයෙන් පොලිස් දිනයට සමගාමීව ආරම්භ කිරීමට කටයුතු සූදානම්ව ඇති බවය.
විශේෂ මෙහෙයුම්වලින් සංවිධානාත්මක අපරාධකරුවන්ගේ දේපල බිලියන 4.5ක් පොලීසිය සිය භාරයට ගෙන ඇති බව ද ඒ මහතා මෙහිදී පැවසුවේය.
ඒ අතර ගොඩනැගිලි, නිවාස, වාහන, ඉඩම්, ස්වර්ණාභරණ, බෝට්ටු සහ මුදල්වලින් රුපියල් මිලියන 57ක්ද වන බව වාර්තා වේ.
ඒ අනුව මෙම දේපළ මුදල් විශුද්ධිකරණ පනත යටතේ තහනම් කර තිබේ.
