රුහුණු කතරගම මහා දේවාලයේ වාර්ෂික ඇසල මංගල්‍ය හෙට (29) ආරම්භ කිරීමට නියමිතව තිබෙයි
ප්‍රථම පෙරහර හෙට රාත්‍රී වීදි සංචාරය කෙරෙන අතර අවසාන මහා රන්දෝලි පෙරහර අගෝස්තු මස 11 වෙනිදින රාත්‍රී පැවැත්වෙන අතර අගෝස්තු මස 12 වෙනි දින උදෑසන මැණික් ගඟේ දියකැපීමෙන් පසු උත්සව කටයුතු නිමාවට පත්වේ.
මෙවර උත්සව සමයේ කතරගම පුදබිමට නන්දෙසින් පැමිණෙන ලක්ෂ සංඛ්‍යාත බැතිමතුන් සඳහා අවශ්‍ය සියලු පහසුකම් සැලසීමට කඳවුර භාර නිලධාරී මොනරාගල දිසාපති ගුණදාස සමරසිංහ මහතා කටයුතු යොදා අතර ඇසල උත්සවය පැරැණි චාරිත්‍රානුකූලව අති උත්කර්ෂවත් ලෙස පැවැත්වීමට බස්නායක නිලමේ තැන්පත් ඩිෂාන් වික්‍රමරත්න ගුණසේකර මහතා පියවරගෙන ඇත.
