සියලුම ජංගම සහ ස්ථාවර දුරකථන සේවා ගාස්තු, බ්‍රෝඩ්බෑන්ඩ් ගාස්තු, මුදල් ගෙවා නරඹන රූපවාහිනී සේවා ගාස්තු ඉහළ දැමීමට දුරකථන සමාගම් තීරණය කර තිබේ.
එම ගාස්තු ඉහළ නැංවීම ලබන 5 වනදා සිට ක්‍රියාත්මක වන පරිදි සිදුකිරීමට නියමිත බවද වාර්තා වෙයි.
ඒ විදුලි සංදේශ නියාමන කොමිසන් සභාවේ අනුමැතිය යටතේය.
ඒ අනුව ජංගම හා ස්ථාවර දුරකථන සේවා ගාස්තු සහ බ්‍රෝඩ්බෑන්ඩ් ගාස්තු 20%කින් ඉහළ දැමීමට නියමිත අතර මුදල් ගෙවා නරඹන රූපවාහිනී සේවා ගාස්තු 25%කින් ඉහළ දැමීමට නියමිත බව වැඩිදුරටත් වාර්තා විය.
