මැණික් යැයි සැක සිතිය හැකි පාෂාණ මල්ලක් සමඟ පුද්ගලයෙකු සැකපිට පොලිස් විශේෂ කාර්ය බලකාය විසින් අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ 27 හැවිරිදි වියේ පසුවන ගල්ලෑල්ල තමන්කඩුව ප්‍රදේශයේ පදිංචි පුද්ගලයෙකි.
පොලිස් විශේෂ කාර්ය බලකායේ කලවංචිකුඩි කඳවුර වෙත ලද තොරතුරුකට අනුව කාර්තිවු ප්‍රදේශයේදී සැකකරු අත්අඩංගුවට ගෙන ඇත.
ඔහු සතුව තිබූ මෙම මල්ල තුළ තිබී මැණික් යැයි සැක සිතිය හැකි පාෂාණ 188ක් සහ මැණික් ගල් පරීක්ෂා කිරීමට භාවිත කරන උපකරණයක් පොලිස් භාරයට ගෙන ඇත.
සැකකරු වැඩිදුර විමර්ශන කටයුතු සඳහා කාර්තිවු පොලිස් ස්ථානය වෙත භාරදී තිබේ.
