අනුරාධපුර හිදෝගම දිවුල්වැවේ ගිලී තරුණියක් මියගොස් තිබේ.
අනුරාධපුර ප්‍රදේශයේ වන්දනා චාරිකාවක පැමිණි මෙම තරුණිය ඇතුළු කණ්ඩායම ඊයේ (26) පස්වරුවේ දිවුල්වැවේ නාන තොටුපළ අසල දිය නාමින් සිට ඇත.
එම අවස්ථාවේ අදාළ තරුණිය දියේ ගිලී ඇති බව පොලීසිය සඳහන් කළේය.
ප්‍රදේශවාසින් විසින් තරුණිය ගොඩට ගෙන නෙළුබෑව රෝහලට ඇතුළත් කර තිබේ.
එහිදී තරුණිය මියගොස් ඇත.
මෙලෙස මියගොස් ඇත්තේ 21 හැවිරිදි පාදුක්ක වටරැක ප්‍රදේශයේ පදිංචිව සිටි තරුණියකි.
සිද්ධිය සම්බන්ධයෙන් හිදෝගම පොලීසිය වැඩිදුර විමර්ශන සිදුකරයි.
