හදුන්ගමුව සහ මහඔය ප්‍රදේශවල දී සිදු වූ වනඅලි පහරදීම්වලින් පුද්ගලයන් දෙදෙනෙකු මියගොස් තිබේ.
මහඔය, බොරපොළ ප්‍රදේශයේ දී වන අලියෙකු පහරදීමෙන් 82 හැවිරිදි පුද්ගලයකු මියගොස් ඇතැයි වාර්තා වේ.
යකින්නිගල කන්ද ආශ්‍රිත රක්ෂිතයේ ගල්සියඹලා කැඩීමට ගොස් ආපසු එමින් සිටිය දී මෙම අනතුර සිදු ව ඇති බව පොලිසිය වාර්තා කර ඇත.
හදුන්ගමුව, හිඹිලියාකඩ ප්‍රදේශයේ ද වන අලියෙකු පහරදීමෙන් 53 හැවිරිදි පුද්ගලයෙකු මියගොස් ඇත.
අසල නිවසට යන බව පවසා නිවසින් පිට ව ගොස් නැවත නොපැමිණීම හේතුවෙන් ප්‍රදේශවාසීන් සහ වනජීවී කාර්යාල නිලධාරීන් සිදු කළ සෝදිසියක දී ඔහුගේ මළසිරුර සොයාගෙන ඇති බව පොලිසිය පවසයි.
