පල්ලම, නන්දිමිත්ත්‍ර පාසල අසලදී සිදු වූ යතුරුපැදි අනතුරකින් පොලිස් කොස්තාපල්වරයෙක් ජීවිතක්ෂයට පත්ව තිබේ.
ඊයේ (10) උදෑසන කාලයේදී හලාවත දෙස සිට ආණමඩුව දෙසට ධාවනය වූ යතුරුපැදියක් පැදිකරුට පාලනය කර ගැනීමට නොහැකිව මාර්ගයෙන් ඉවතට ලිස්සා ගොස් එම අනතුර සිදුව ඇත.
යතුරුපැදිකරු අනතුරින් බරපතළ තුවාල ලබා හලාවත රෝහලට ඇතුළත් කිරීමේදී මියගොස් තිබේ.
එසේ මියගොස් ඇත්තේ, 2 කණුව, රිදිබැඳිඇල්ල ප්‍රදේශයේ පදිංචි හලාවත පොලිස් ස්ථානයට අනුයුක්ත රාජිකාරි කළ 23 හැවිරිදි පොලිස් කොස්තාපල්වරයෙකි.
