මහරගම නගරයේ දී තියුණු ආයුධයකින් පහර දී මනුෂ්‍ය ඝාතනයක් සිදුකිරීමට උත්සාහ කළ පුද්ගලයකු පොලිස් විශේෂ කාර්ය බළකාය මගින් අත්අඩංගුවට ගෙන තිබේ.
මහරගම මහජන පොළ ඉදිරිපිට දී එම සැකකරු වෙනත් පුද්ගලයෙකුට තියුණු ආයුධයකින් පහර දෙමින් සිටියදී විශේෂ කාර්ය බළකායේ නිලධාරීන් විසින් දැඩි පරිශ්‍රමයක් යොදා අදාළ ඔහුව අත්අඩංගුවට ගෙන තිබුණි.
සැකකරු සන්තකයේ තිබී මත්කරල් කිහිපයක් සහ තියුණු ආයුධයක් ද විශේෂ කාර්ය බළකා භාරයට ගෙන ඇති අතර ඔහු 40 හැවිරිදි මහරගම ප්‍රදේශයේ පදිංචිකරුවෙකි.
පිහි ඇනුමෙන් දැඩි ලෙස තුවාල ලැබු පුද්ගලයා ප්‍ර‍ථිකාර සදහා කළුබෝවිල රෝහලට ඇතුළත් කර ඇති බව වාර්තා වෙයි.
සිද්ධිය සම්බන්ධයෙන් මහරගම පොලීසිය වැඩිදුර විමර්ශන සිදුකරයි.
