දකුණු ඉරානයේ මිසයිල සහ බිම්බෝම්බ ස්ථානගත කිරීමට යොදා ගන්නා බෝට්ටු ඉලක්ක කර ගනිමින් අමෙරිකානු ප්රහාර මාලාවක් දියත් කර ඇතැයි විදෙස් මාධ්ය වාර්තා කරයි.
අමෙරිකානු මධ්යම අණදෙන මූලස්ථානයේ (CENTCOM) ප්රධානී අද්මිරාල් බ්රැඩ් කූපර් පවසා ඇත්තේ, මෙම ප්රහාර මාලාව ඉරාන හමුදා විසින් එල්ල කරනු ලබන තර්ජනවලින් ආරක්ෂා වීම සඳහා ස්වයං ආරක්ෂාව වෙනුවෙන් දියත් කරන ලද්දක් බවය.
කෙසේ වෙතත් දැනට පවතින සටන් විරාමය පිළිබඳව අමෙරිකාව ඉතා සංයමයෙන් යුතුව කටයුතු කරමින් සිටින බවද ඔහු අවධාරණය කර ඇත.
අමෙරිකාව විසින් එල්ල කරන ලද ප්රහාර සඳහා ඉරානය තවමත් ප්රතිචාර දක්වා නොමැති අතර, ඉදිරියේ දී සාම ගිවිසුමට කුමන බලපෑමක් එල්ල වනු ඇත්දැයි පැහැදිලි නොමැති බවද විදෙස් මාධ්ය වාර්තා කරයි.
