යාපනයේ වායු දූෂණය රතු කටු පනී

යාපනයේ වායු ගුණාත්මක දර්ශකය අගය 200 සීමාව ඉක්මවා ගොස් ඇතැයි මධ්‍යම පරිසර අධිකාරිය නිවේදනය කරයි.

අද (19) උදෑසන නිකුත් කළ නවතම වාර්තාව අනුව දිවයිනේ ප්‍රදේශ කිහිපයක වායු ගුණාත්මකභාවය සෞඛයට අහිතකර මට්ටමට ළඟා වී තිබුණි.

ඒ අනුව, අද උදෑසන 7.05 වනවිට බත්තරමුල්ලෙන් 179ක්, කිලිනොච්චියෙන් 158ක්, අනුරාධපුරයෙන් 158ක්, ත්‍රිකුණාමලෙන 151ක් සහ හලාවතින් 165ක් ලෙස ඉහළ අගයන් වාර්තා වී ඇත.

මෙම ප්‍රදේශවල වායු ගුණාත්මකභාවය සෞඛ්‍යයට අහිතකර මට්ටමක පවතින බැවින් ජනතාවට සෞඛ්‍යමය බලපෑම් ඇති වීමේ අවදානමක් පවතින බව මධ්‍යම පරිසර අධිකාරිය සඳහන් කරයි.

ඒ අනුව අදාළ ප්‍රදේශවල ස්වසන රෝග සහ අසාත්මිකතා ඇති පුද්ගලයින් KN 95 වර්ගයේ මුඛ ආවරණ පැලඳීම සඳහා සෞඛ්‍ය නිර්දේශයන් නිකුත් කර ඇති අතර, එළිමහනේ සිටීමෙන් වළකින ලෙස ද දැනුම්දී ඇත. 

Leave a Reply

Your email address will not be published. Required fields are marked *