2022 වර්ෂයට අදාල පාසල් දින දර්ශනයට අනුව ජූලි 18 වැනි සඳුදා දින සිට පාසල් විවෘත කෙරන බව අධ්‍යාපන අමාත්‍යංශය පවසනවා.
අධ්‍යාපන අමාත්‍යංශය නිවේදනයක් නිකුත් කරමින් ඒ බව කියා සිටියා.
ඒ අනුව ඊයේ (08) දින අධ්‍යාපන අමාත්‍යාංශයේ දී අධ්‍යාපන අමාත්‍යතුමාගේ ප්‍රධානත්වයෙන් අධ්‍යාපන අමාත්‍යාංශයේ ලේකම් ඇතුලු අතිරේක ලේකම්වරුන්, ජාතික අධ්‍යාපන ආයතනයේ අධ්‍යක්ෂ ජනරාල්, විෂය අධ්‍යක්ෂකවරු සහ මාර්ගගත ක්‍රමවේදය ඔස්සේ පළාත් අධ්‍යාපන අධ්‍යක්ෂකවරුන් ද සම්බන්ධකර ගනිමින් වර්තමානයේ පවතින ඉන්ධන හා ප්‍රවාහන දුෂ්කරතා ද පදනම් ව වෘත්තීය සමිතිවල අදහස් ද ලබාගෙන අදාළ තීරණය ගෙන තිබෙනවා.
ඒ අනුව11 සිට ජූලි මස15 දින දක්වා දිවයිනේ සියලු ම පාසල් සඳහා නිවාඩු ලබා දෙන අතර, 2022 වර්ෂයට අදාල පාසල් දින දර්ශනයට අනුව ජූලි මස 18 සඳුදා දින සිට පාසල් විවෘත කිරීමට අධ්‍යාපන අමාත්‍යංශය තීරණය කර තිබෙන්නේ.
