අද (07) දහවල් මහනුවර සිට බදුල්ල දක්වා ධාවනය වූ භාණ්ඩ ප්‍රවාහන දුම්රියේ මෝටර් රථයක් ගැටී අනතුරක් සිදුව තිබේ.
හපුතලේ සතිපොළ මාර්ගයේ දුම්රිය හරස් මාර්ගයක දී එම අනතුර සිදුව තිබුණි.
මෝටර් රථය දුම්රියේ ගැටෙනවාත් සමග ඉවතට විසි වී ගොස් ඇති අතර එහිදී සිදුවීමට ගිය විශාල ඛේදවාචකයක් වැළකී ගොස් තිබේ.
අනතුර සිදුවන අවස්ථාවේ දී මෝටර් රථයේ මොනරාගල ප්‍රදේශයේ පදිංචි එකම පවුලේ සිව්දෙනෙක් සිට ඇති අතර, ඔවුන්ට කිසිදු තුවාලයක් සිදුව නොමැති බව අප වාර්තාකරු පැවසුවේය.
දුම්රිය ගේට්ටු මුරකරුවෙක් නොමැතිව වීම හේතුවෙන් අනතුර සිදුව තිබේ.
ප්‍රදේශවාසීන් පවසන්නේ බොහෝ අවස්ථාවලදී එම ස්ථානයෙන් දුම්රිය ධාවනය වනවිට ගේට්ටුව විවෘතව පවතින බවය.
